Посветени сме на целосно исполнување на нашата заложба да обезбедиме високо квалитетни производи, да ги почитуваме клиентите, соработниците и вработените, да обезбедиме здраво и безбедно работно опкружување, здрава животна средина и да бидеме активен чинител во локалната и пошироката заедница. Само на тој начин ќе обезбедиме одржливо работење и одржлив раст за нашата компанија и нашите акционери. Одржливоста на Пејпер Мил ја градиме преку три главни столба: заштита на животната средина, општествена одговорност и грижа за заедницата и грижа за вработените.

Пејпер Мил е единствениот рециклатор на хартија во Република Северна Македонија. Нашите заложби се целосно насочени кон заштита на животната средина, и тоа не само декларативно, туку преку интензивни инвестиции и имплементација на технологии и практики за еколошко однесување. Во текот на 5 години од преземањето на старата фабрика во Кочани, Пејпер Мил има вложено 8 милиони евра во:

• Котел на метан.
• Котел на био маса за да се замени стариот котел на мазут и се намали емисијата на азотни и сулфатни оксиди (NOx и SOx).
• Инвестиции во воден филтер.
• Систем за продувување на цевките и систем за додавање на дополнителен воздух во горилникот на котелот со што се намалува СО во димните гасови.
• Апликација на технологии за заштеда на енергија и редукција на потрошувачка на вода.
• Вреќесет филтер со што тројно се намалува емисијата на ситна прашина во воздух до 50 mg/Nm³.
• Поставување на технологии за враќање на искористената вода во процесот и речиси целосно елиминирање на емисијата на отпадни води.
• Песочен филтер за рециклирање на отпадна вода.
• Имплементација на систем за управување со квалитет и со животна средина согласно меѓународните ISO стандарди.
• Пречистителна станица прва фаза, а планирани се дополнителни средства за комплетирање на проектот до крајот на 2021г.

За Пејпер Мил е важно да биде активен чинител во заедницата во која работи. Покрај значајното социо-економско влијание кое го има компанијата во рамки на локалната заедница, но и на национално ниво – преку вработувања, плаќање придонеси и даноци кон државата, ангажирање на локални добавувачи, компанијата силно се залага да вложува во активности кои носат бенефит за локалната заедница и го подобруваат животот на луѓето во Кочани. Важно ни е да работиме одговорно – одговорно во однос на законите, но и во однос на заедницата од која сме дел.
Пејпер Мил е отворен за поддршка на проекти кои се однесуваат на заштита на животната средина, рециклирање, едукативни проекти за подигнување на свесноста за зачувување на животната средина и природните ресурси, донации и помош на социјално ранливи групи и други проекти од општ интерес за јавноста. Сите заинтересирани организации можат да побараат средба за претставување на проектот или да испратат кусо резиме за проектот на office@paper-mill.eu.

Ние во Пејпер Мил веруваме дека вработените се нашиот највреден ресурс, а нивната безбедност е наш приоритет. Вложуваме во редовни здравствени прегледи, едукација за безбедност при работа и контроли на работните процеси, со цел да обезбедиме сигурна и безбедна работна средина за нашите вработени.

Освен тоа вложуваме и во обуки за проширување на нивните знаења и вештини, надградување на искуството и зголемување на нивните компетенции. Пејпер Мил овозможува правична и фер работна средина, без дискриминации по било каков основ и поттикнува култура на меѓусебно разбирање, почитување и соработка.